କାଲିଠୁ ଖୋଲିବ ଶ୍ରୀମନ୍ଦିର :୨୨ରୁ ସର୍ବସାଧାରଣଙ୍କ ପାଇଁ ଦର୍ଶନ ଅନୁମତି

0
22

ପୁରୀ (ଓବି ନ୍ୟୁଜ) (ବ୍ୟୁରୋ) ; ଆସନ୍ତାକାଲିଠୁ ଶ୍ରୀମନ୍ଦିର ଖୋଲିବ । ଏନେଇ ବୁଧବାର ଶ୍ରମନ୍ଦିର ପ୍ରଶାସନ ପକ୍ଷରୁ ଏସ୍‌ଓପି ଜାରି ହୋଇଛି। ନୂଆ ଏସ୍‌ଓପି ଅନୁସାରେ ଗୁରୁବାରଠାରୁ ୨ ଦିନ ଯାଏଁ ଶ୍ରୀମନ୍ଦିରର ସେବକ ପରିବାରକୁ ଦର୍ଶନ ଅନୁମତି ମିଳିବ। ସେମାନେ ନିଜର ପରିଚୟ ପତ୍ର ବା ବୀମା କାର୍ଡ ଦେଖାଇ ଯେକୌଣସି ଦ୍ୱାର ବାଟେ ଶ୍ରୀମନ୍ଦିରକୁ ପ୍ରବେଶ କରିପାରିବେ । ଏହାପରେ ଅଗଷ୍ଟ ୧୬ ତାରିଖରୁ ୨୦ ତାରିଖ ଯାଏଁ ପୁରୀ ସହରବାସୀ ମହାପ୍ରଭୁଙ୍କୁ ଦର୍ଶନ କରିପାରିବେ। ଏଥିପାଇଁ ସେମାନଙ୍କୁ ଆଧାରକାର୍ଡ କିମ୍ବା ଭୋଟ୍‌ ପରିଚୟ ପତ୍ର ଦେଖାଇବାକୁ ପଡ଼ିବ । ସେହିପରି ଅଗଷ୍ଟ ୨୨ ତାରିଖରୁ ସର୍ବସାଧାରଣଙ୍କ ପାଇଁ ଦର୍ଶନ ଅନୁମତି ମିଳିବ। ସକାଳ ୭ଟାରୁ ସନ୍ଧ୍ୟା ୭ଟା ଯାଏଁ ଭକ୍ତମାନେ ଦର୍ଶନ କରିପାରିବେ। ମହାପ୍ରଭୁଙ୍କ ଦର୍ଶନ ପାଇଁ ଭକ୍ତକୁ ୯୬ ଘଣ୍ଟା ପୂର୍ବର ଆରଟିପିସିଆର୍‌ ରିପୋର୍ଟ କିମ୍ବା ଦୁଇଟି୍‌ ଡୋଜ୍‌ ଟିକା ନେଇଥିବାର ଆରଟିପିସିଆର୍‌ ରିପୋର୍ଟ ଦେଖାଇବାକୁ ପଡ଼ିବ । ଭକ୍ତମାନେ ଶ୍ରୀମନ୍ଦିର ପରିସରରେ ମହାପ୍ରସାଦ ସେବନ କରିପାରିବେ ନାହିଁ। ଦର୍ଶନ ସମୟରେ କୋଭିଡ୍‌ ଗାଇଡଲାଇନକୁ ପାଳନ କରିବାକୁ ନିର୍ଦ୍ଦେଶ ଦିଆଯାଇଛି। ଏହାସହିତ ପ୍ରତି ଶନିବାର ଓ ରବିବାର ସାଧାରଣ ଦର୍ଶନ ବନ୍ଦ ରଖିବାକୁ କୁହାଯାଇଛି। ଏହାଛଡ଼ା ଜନ୍ମାଷ୍ଟମୀ, ଗଣେଷ ପୂଜା ଭଳି ବଡ଼ ବଡ଼ ପୂଜା ବେଳେ ଶ୍ରମିନ୍ଦର ଭିତରକୁ ଭକ୍ତଙ୍କ ପ୍ରବେଶକୁ ବାରଣ କରାଯାଇଛି l

LEAVE A REPLY

Please enter your comment!
Please enter your name here