ସାମ୍ବାଦିକ ନହୋଇ ଗାଡ଼ିରେ ପ୍ରେସ ଲଗାଇ ବୁଲିଲେ କଡ଼ା କାର୍ଯାନୁଷ୍ଠାନ : ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ

0
122

କଟକ (ଓବି ନ୍ୟୁଜ) (ନବୀନ ରାଓ) ; ସାବଧାନ ହୋଇଯାଆନ୍ତୁ ନକଲି ସାମ୍ବାଦିକ । କେଉଁ ମୁହୂର୍ତ୍ତରେ ଆପଣଙ୍କ ଉପରେ ନିଆଯାଇପାରେ କାର୍ଯ୍ୟାନୁଷ୍ଠାନ । ଗାଡି଼ରେ ପ୍ରେସ ଲଗାଇ ବେଲଗାମ ବୁଲୁଥିଲେ ଆପଣଙ୍କୁ ମାଡ଼ି ବସିବ ପୋଲିସ । ଏଭଳି ନକଲି ସାମ୍ବାଦିକଙ୍କ ଉପରେ ପୋଲିସ ନଜର ରଖିଛି ବୋଲି କହିଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ । ଏନେଇ ଉଭୟ ଟ୍ବିନସିଟିରେ କଡ଼ାକଡ଼ି ଚେକିଂ ହୋଇପାରେ । ସାମ୍ବାଦିକ କହି ଅର୍ଥାତ ଗାଡ଼ିରେ ପ୍ରେସ ଲଗାଇ ଫାଇଦା ନେଉଥିବା ବ୍ୟକ୍ତିଙ୍କ ଉପରେ କଡ଼ା ନଜର ରଖିଛି ପୋଲିସ । ଏଭଳି କିଛି ଘଟଣା ସାମନାକୁ ଆସିବା ପରେ ସେମାନଙ୍କୁ ଧରିବା ପାଇଁ ପୋଲିସ ଏହି ସ୍ବତନ୍ତ୍ର ଯୋଜନା ଆଣିଛି । ଗାଡ଼ିରେ ପ୍ରେସ ଲଗାଇ ଗଣମାଧ୍ୟମର ମାନକୁ ଉଲ୍ଲଘଂନ କରୁଥିବା ବ୍ୟକ୍ତିବିଶେଷଙ୍କୁ ପୋଲିସ ଧରିବ । ତେବେ ସୂଚନା ଥାଉକି, ଗତ କିଛି ଦିନ ପୂର୍ବରୁ ରାଜଧାନୀ ଭୁବନେଶ୍ବରରେ ନକଲି ସାମ୍ବାଦିକଙ୍କ ଅସଲି ମୁଖା ସାମନାକୁ ଆସିଥିଲା । ଯାହାକୁ ନେଇ କମିଶନରେଟ ପୋଲିସ ଆହୁରି ହୋଇଛି ସକ୍ରିୟ । ଫଳରେ ଏହି ନକଲି ସାମ୍ବାଦିକ ପୋଲିସ ହାବୁଡ଼ରେ ପଡ଼ିଲେ ପୋଲିସ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି ଜଣାପଡ଼ିଛି ।

LEAVE A REPLY

Please enter your comment!
Please enter your name here